Link أولاالموقع :
http://acm.pku.edu.cn/JudgeOnline/
هتلاقى فوق كده فى Board فيها كل حاجة للموقع
- Online Judge: أهم ما بها F.A.Qs وبها كل التعليمات الخاصة بالموقع.
- Problem Set :
- Problems : بتوديك على المسائل.
- Submit Problem : لو انته عايز تبعت الحل بتاع مسألة .
- Online Status : دى بتجيب حالة ال Submissions اللى اتبعتت للموقع, النيتجة بتاعتها بتبقى موجودة فى ال Online Status .
- Problem ID : تقدر تعمل Search على أى مسألة سواء بأسمها أو برقمها أو بكلمة جواها.
- Register : لو انته عايز تسجل فى الموقع.
- Update Your Info : لما تحب تعدل أى حاجة فى ال Profile بتاعك .
- Authors rank list : تقدر تشوف ترتيب الناس على موقع وتشوف ترتيبك .
- Search : تقدر تدور على أصحابك وتشوف ال Profiles بتاعتهم .
ثانياا البدء بالحل :
طبعا بعد ماعملنا ال Account بتاعنا نروح بقى نعمل . Log in
وبعدين أضغط على Problems هتظهر الصفحة التالية .
- Volume : يحتوى على 28 صفحة كل صفحة بها 100 مسألة, ولكن خلى بالك مش مترتبين من الاسهل للأصعب.
- Search : لو حبيت تدور على مسألة معينة أكتبها هنا واختار من جنبها نوع البحث .
- ابحث عن كل المسائل اللى محدش حلها خالص لا انته ولا حد من أصحابك علشان تتحدوا بعض وتعملوا مسابقات بينكم وبين نفسكم.
- ID : كل مسألة لها ID ... وال ID هو اللى هيتخدم بعد كده فى كل ال DataBase بتاعة ال Site هيبقى موجود فى ال Profile بتاعك IDs وفى ال Online Status نفس الكلام ... وممكن تقول تستخدم ال ID فى البحث.
- Tittle : اسم المسألة.
- Ratio : من أهم الحاجات فى الجدول ده ... كل ما كان ال Ratio أعلى كل ما كانت المسألة أسهل ... وهو عبارة عن النسبة بين عدد الحلول الصحيحة وعدد كل الحلول بما فيها الخاطئة ... ولكن خلى بالك أحيانا بتخدع ... قد يكون عدد الحلول الصحيحة على سبيل المثال 10 وعدد الحلول كلها برضه 10 وبالتالى يكون ال Ratio يساوى 100% .... وهذا مش معناه ان المسألة سهلة .
اختار أى مسألة من المسائل دى
لما تخلص كتابة الكود وتتأكد أن حلك صحيح انزل تحت خالص ودوس على .Submit
- اكتب ال ID بتاع المسألة وفى الغالب بيكون موجود.
- اختار لغة البرمجة.
- اكمل Copy و Past للكود بتاعك هنا.
- دوس على Submit .
- Run ID : رقم ال Submission ونلاحظ هنا انه بي Save كل ال Submission عنده فى ال Data Base .
- User : اسم اللى بعت ال Submission ... طبعا علشان لو واحد صاحبك بيحل من وراك تعرف علطول :D:D .
- Problem : رقم المسألة ولينك ليها علشان لو حبيت تدخل على المسألة وتحلها انته كمان.
- Result : نتيجة ال Submission وطبعا ال Accepted أحلى واحدة فيهم .
- Memory : لو الحل بتاعك صح بيقولك هو خد قد ايه من ال Memory ودى أحد مميزات ال Site.
- Time : لو الحل بتاعك صح بيقولك انته أخد وقت قد ايه.
دلوقتى حضرتك بقى جيت فى مرة كدة مش فاكر انت حليت كام مسئله ولا انت فاكر انت حليت ايه اصلا الحل الوحيد انك تروح لل Profile يتاعك .
اضغط على اسمك من فوق على اليمين وهيجيلك ال Profile بتاعك
- من أهم وأجمد مميزات ال Site ده .... لو حبيت تعمل مقارنة بينك وبين أى حد من أصحابك أكتب أسمك وأسم صاحبك وقارن ... وشوف هو ايه اللى حله وايه اللى مش حله وايه انته حليته وهو مش حاله والعكس .
- أرقام ولينكات كل المسائل اللى انته حليتها.
- لو دوست على Solved أو Submissions هيجيبلك جدول فيه كل المسائل اللى انته حليتها والجدل فيه نفس خصائص الجدول بتاع Online Status
- Problem ID : لو انته حالل مسائل كتيرة تقدر وعايز تدور على مسألة معينة اكتب ال ID بتاعها .
- Result : لو عايز تدور على كل المسائل ال Accepted أو كل ال WِA أو .. أو ... الخ.
- Language : لو بتدور على المسائل اللى حليتها بلغة معينة.
- من أهم مميزات السايت انه بي Save كل الأكواد اللى انته بتبعتها بما فيه الاكواد الغلط ... لو دوست على لغة البرمجة هيفتحلك الكود بتاعك .... لو حبيت تنزل كل الأكواد اللى انته بعتها للسايت ... دوس على كلمة Archive فوق خالص تحت أسمك.
اهم حاجة بجد بقى انك لو جالك wrong answer كتير حاول تانى وان شاء الله هاتقدر تجيبها accepted بس ماتزهقش
ودى لينكات لكام مسألة كده علشان تسخن .
http://acm.pku.edu.cn/JudgeOnline/problem?id=1000
http://acm.pku.edu.cn/JudgeOnline/problem?id=1004
http://acm.pku.edu.cn/JudgeOnline/problem?id=2509
http://acm.pku.edu.cn/JudgeOnline/problem?id=1005
http://acm.pku.edu.cn/JudgeOnline/problem?id=1477
يلا بقى ربنا معاكم واى اسئله انا ان شاء الله ارد عليها .